ए मुठ्ठी उठाउन लगाउनेहरु हो

ओजश्वी

हिजो मात्र हो उसले मुठि्ठी उठाएर
मूर्दावादको नारा लगाउँदा लगाउँदै
सडकमा ढलेको जस्तो लाग्छ,
आज फेरी पनि मुठि्ठ उठाएरै
उसैको भाइ सडकमा
नारा लगाउँदै हिडेको छ
हिजो मुठि्ठी उठाउँदा
उसको दाजु
सडकमै ढलेथ्यो
आज फेरी उसैको भाइ
मुठि्ठ उठाउन तयार छ
यता मुठ्ठी उठाउन
लगाउनेहरु
आ-आफ्नै दाउमा लागेका छन्
न हिजो उसैको दाजुको मुठि्ठ तिनले
संझन सकेका छन्
न आज फेरी भाइको मुठि्ठको
महत्व नै बुझेका छन्
तर ति हिजो मुठि्ठ उठाउन
सडकमा पठाउनेहरु
आज नांगा नाग्गै
सिंहदरवारभित्र नाचेका छन्
मुठ्ठीको अर्थ
सत्ताको चास्नीमात्र
यिनले संझेजस्ता छन्,
ए मुठि्ठ उठाउन लगाउनेहरु हो
खबरदार अब सिंहदरवारबाट
बाहिर निकालेर तिमीलाई
नांगा नांगै
सडकमा दौडाउने छौं
अब यो भाइले दाजुको जस्तो
सडकमै ज्यान गुमाउने छैन
तिमीलाई सर्वाड. पारेर
सडक घुमाउने छ ।।